Интернетда Lamborghini V12 Squadra Corse’нинг синовдан ўтказилаётгани тасвирланган суратлар пайдо бўлди. Икки эшикли модель ҳақида у чекланган нусхада яратилиши ва уни умумий фойдаланишга мўлжалланган йўлларда ҳайдаб бўлмаслиги маълум. Моделнинг премьераси шу йилнинг ёз ойида онлайн тарзда бўлиб ўтиши мумкин, деб хабар беради Motor.
Трек гиперкари Lamborghini Squadra Corse автоспорт бўлинмаси томонидан яратилган бўлиб, у қайта ишланган Aventador SVJ каби кўринишга эга. Миш-мишларга кўра, моделнинг агрегати жиддий модернизацияга учраган: биринчидан, оғирлиги камайтирилган, иккинчидан, «отсечка» дақиқасига 9000 га етказилган, учинчидан эса, қуввати 830 от кучига етказилган. Motor олти поғонали XTrac «секвентал» конструкция ва механик дифференциал ёрдамида бошқарилади.
Маълумотларга кўра, янги модель фақатгина трек учун мўлжалланган, бироқ пойгалар учун эмас. У 40 нусхада ишлаб чиқарилади. Купенинг ўзига хос жиҳатлари — том қисмида ҳавони ҳайдаш панжараси мавжуд, аэродинамик «қанотлари» ва массив «антиқанот»лари такомиллаштирилган. Прототип эшигига «Эҳтиёт бўлинг! Тезкор машина» деб ёзиб қўйилган.
Squadra Corse бўлинмаси пойга техникаларини яратиш билан шуғулланади, аммо 2018 йилда улар оддий йўлларга мўлжалланган Lamborghini SC2018’ни тақдим этганди.
Изоҳ (0)