Тошкентда 7 соат ичида аҳоли орасида 13 кишида коронавирус аниқланди, Ўзбекистонда касалланганлар сони 6847 нафарга етди

Ўзбекистонда 24 июнь соат 17:00 ҳолатига кўра коронавирусга чалинганлар сони 92 кишига кўпайиб, 6847 нафарга етди. Бу ҳақда Соғлиқни сақлаш вазирлиги хабар берди. Аввалроқ, 24 июнь соат 10:00 ҳолатига кўра касалланганлар сони 6755 нафарга етгани ҳақида хабар берилганди.

Хабар берилишича, янги касалланганларнинг

• 64 нафари карантин марказидаги фуқаролар орасида (барчаси хориждан келган),
• 28 нафари Тошкент шаҳрида (шундан 15 нафари коронавирусга чалинганлар билан мулоқотда бўлиб, карантинга олинган фуқаролар орасида, 13 нафари аҳоли орасида)

«Ҳозирда мамлакатимизнинг 10 та ҳудудидаги шифохоналарида даволанаётган 2240 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 18 нафари оғир аҳволда, 4 нафар беморнинг аҳволи ўта оғирлигича қолмоқда», — дейилади вазирлик хабарида

Маълумот учун, Ўзбекистонда ҳозиргача коронавирусга чалинганларнинг 4588 нафари соғайган, 19 нафар бемор эса касаллик асоратлари оқибатида вафот этган.