Британиянинг Мерсисайд графлиги Сент-Хеленс шаҳрида яшовчи Осборн ва Эдит Хэнкок турмуш қурганининг 70 йиллигини нишонлади. Эркак ва аёл дастлаб бир-биридан нафратланганини айтади, деб ёзади Daily Mail.
Осборн ва Эдит Хэнкок 1938 йилда, 10 ёш бўлганида танишган. Мактабда улар битта партада ўтирган, бироқ муносабатлари ёмон бўлган. Уларнинг бир-бирига муносабати юқори синфга ўтганида ўзгарган.
Мактабни битирганидан сўнг Осборн Британия ҳарбий-ҳаво кучларида хизмат қилган. Ўша пайтда у Эдит билан хат ёзишиб турган.
«Ўшанда интернет ҳам, телефон ҳам йўқ эди. Биз почта орқали алоқа қилардик. Бир хатимда мен унинг қўлини сўрадим, у жавоб хатида розилигини билдирди. Мен ҳатто унга никоҳ узуги учун 20 фунт жўнатдим», — дея хотирлайди Осборн Хэнкок.
Ёшлар 1950 йилда турмуш қурган. Осборн ва Эдит ҳозирда 92 ёшда. Уларнинг тўрт фарзанди, саккиз невараси ва тўрт чевараси бор.
«Ўйлашимча, биз жуда яхши жуфтликмиз. Бизнинг умумий қизиқишларимиз кўп, ҳатто иккимизга ҳам бир хил мусиқа ёқади. Биз бир-биримизга жуда ўхшаймиз, ҳар доим бахтлимиз ва ҳар доим бир-биримизни кулдирамиз», — дейди Эдит.
Мавзуга доир: Олимлар 100 ёшгача яшаш сирини маълум қилди
Изоҳ (0)