Мексикада янги турдаги коронавирус билан касалланган уч эгизак дунёга келди, деб ёзади «Korrespondent.net».
Икки ўғил ва бир қиз чақалоқ Сан-Луис—Потоси штатида 17 июнь куни кесарча кесиш йўли билан дунёга келган. Шифохона тартиб-қоидасига биноан янги туғилган чақалоқлардан коронавирус тести учун намуна олинган. Натижада уч чақалоқнинг ҳам коронавирусга чалингани аниқланган.
Штат соғлиқни сақлаш бошқармаси бошлиғи Мигель Анхель Лутсоу Стейнер ушбу ҳолатни бутун дунё учун тушунарсиз деб атаган. Қайд этилишича, чақалоқларнинг ота-онасида коронавирус аниқланмаган.
Икки чақалоқнинг аҳволи яхши, уларда коронавирус симптомлари кузатилмаган. Учинчи чақалоқда касаллик симптомлари пайдо бўлган. Унга ҳозирда пневмония ташхиси қўйилиб, назоратга олинган.
Мутахассисларнинг айтишича, бу бир вақтнинг ўзида бир неча чақалоқнинг коронавирус билан туғилишига оид биринчи ҳолат.
Чақалоқларнинг ота-онаси ҳамда улар билан мулоқотда бўлган шифокорлар карантинга олинган. Улар коронавирусга тест топширган, натижа ҳали чиқмаган.
Изоҳ (0)