Стресс туфайли соқов бўлиб қолган британиялик аёл русча акцент билан гапира бошлади

Бир неча ой аввал соқов бўлиб қолган британиялик аёл тўртта акцентда гапиришни бошлади, деб ёзади Metro.

Англиянинг Эссекс графлигида яшовчи Эмили Иган бош оғриғидан шикоят қила бошлади. Шундан сўнг унинг нутқи ёмонлашиб, тушунарсиз бўлиб қолди. Шифокорлар аёлни текшириб, унинг касаллиги сабабини аниқлай олмади.

Орадан уч жафта ўтганидан сўнг Иган умуман гапира олмай қолди.

Аёл севгилиси билан таътилга кетди. Таътилнинг бешинчи куни у яна гапира бошлади. Бироқ аёлнинг нутқи шарқий Европача акцентга эга бўлди. Бироз вақтдан сўнг эса унинг нутқида француз ва италян акценти сезила бошлади. Аёл стрессга тушганида эса унинг инглиз тилисида русча акцент пайдо бўлади.

Шифокорлар Иганга мия фаолиятининг бузилиши туфайли юзага келадиган «хорижий тил акценти синдроми» ташхисини қўйди.

Иган аввалгидек ўйлай ва сўзлай олмаётганидан шикоят қилмоқда. У бутун умр Британияда яшаганига қарамай, инглиз тилини билиш даражаси ёмонлашмоқда.