Internetda Lamborghini V12 Squadra Corse’ning sinovdan o‘tkazilayotgani tasvirlangan suratlar paydo bo‘ldi. Ikki eshikli model haqida u cheklangan nusxada yaratilishi va uni umumiy foydalanishga mo‘ljallangan yo‘llarda haydab bo‘lmasligi ma’lum. Modelning premyerasi shu yilning yoz oyida onlayn tarzda bo‘lib o‘tishi mumkin, deb xabar beradi Motor.
Ma’lumotlarga ko‘ra, yangi model faqatgina trek uchun mo‘ljallangan, biroq poygalar uchun emas. U 40 nusxada ishlab chiqariladi. Kupening o‘ziga xos jihatlari — tom qismida havoni haydash panjarasi mavjud, aerodinamik “qanotlari” va massiv “antiqanot”lari takomillashtirilgan. Prototip eshigiga “Ehtiyot bo‘ling! Tezkor mashina” deb yozib qo‘yilgan.
Squadra Corse bo‘linmasi poyga texnikalarini yaratish bilan shug‘ullanadi, ammo 2018-yilda ular oddiy yo‘llarga mo‘ljallangan Lamborghini SC2018’ni taqdim etgandi.
Izoh (0)