Қозоғистонда коронавирус қурбонлари сони 120 кишига, Қирғизистонда эса 40 кишига етди

Қозоғистонда ўтган бир сутка ичида яна 507 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 2,9 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Нур-Султон шаҳри — 103 (3,2 фоиз);
• Қарағанда вилояти — 58 (3,2 фоиз);
• Атирау вилояти — 38 (2,7 фоиз);
• Шарқий Қозоғистон вилояти — 34 (8,6 фоиз);
• Костанай вилояти — 33 (11,3 фоиз);
• Ғарбий Қозоғистон вилояти — 32 (2,8 фоиз);
• Олмаота шаҳри — 32 (1 фоиз);
• Павлодар вилояти — 31 (6,6 фоиз);
• Шимолий Қозоғистон вилояти — 27 (13,6 фоиз);
• Ақмўла вилояти — 22 (7,2 фоиз);
• Чимкент шаҳри — 19 (1,5 фоиз);
• Туркистон вилояти — 19 (3,3 фоиз);
• Ақтўбе вилояти — 18 (3 фоиз);
• Манғистов вилояти — 15 (3,6 фоиз);
• Олмаота вилояти — 10 (1,7 фоиз);
• Жамбил вилояти — 9 (1,5 фоиз);
• Қизилўрда вилояти — 7 (1,3 фоиз).

Бутун мамлакат бўйлаб коронавирусга чалинганлар сони 17 732 кишига етган. Ҳозирга қадар 10 897 киши соғайган, 120 киши вирус қурбонига айланган. Шунингдек, 9809 киши коронавирусни белгисиз ташувчи сифатида қайд этилган.Қирғизистонда 22 июнь ҳолатига кўра, яна 205 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлиги хабар берди.

Коронавирусга чалинган янги касалларнинг 82 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 33;
• Ўш вилояти —20;
• Ўш шаҳри — 25;
• Иссиқкўл вилояти — 10;
• Жалолобод вилояти — 8;
• Талас вилояти — 19;
• Норин вилояти — 6.

Шунингдек, ўтган бир сутка ичида 26 нафар тиббиёт ходимида вирус аниқланган.

Бутун мамлакат бўйлаб COVID-19 билан касалланганлар сони 3356 кишига етди. Уларнинг 40 нафари вирус қурбонига айланган. Ҳозирга қадар 2021 нафар бемор даволанишга муваффақ бўлган. Ҳозирда 1295 бемор стационарларда қолмоқда.

Афғонистонда ўтган бир сутка ичида яна 409 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 28 833 кишини ташкил этмоқда.

Ўтган бир сутка давомида пойтахт Кобул шаҳрининг ўзида 184 кишида коронавирус аниқланган.

Бутун мамлакат бўйлаб коронавирус оқибатида вафот этганларнинг жами сони 581 кишига етди, ҳозирга қадар 8764 бемор даволанишга муваффақ бўлди. Ўтган бир сутканинг ўзида 472 киши соғайган, шу кунгача Афғонистонда коронавирусга қарши 64,9 мингдан ортиқ тест ўтказилган.

Тожикистонда коронавирус билан касалланганлар сони 5457 кишига етди, деб хабар беради «РИА Новости». Ўтган сутка давомида яна 61 кишида коронавирус аниқланган.

Мамлакатда ўтган бир сутка ичида 58 кишига шифохонадан жавоб берилган бўлиб, ҳозирда Тожикистонда 3995 бемор даволанишга муваффақ бўлган.

21 июнь ҳолатига кўра, мамлакатда 52 киши COVID-19 қурбонига айланган, 166 бемор шифохоналарда қолмоқда.

Ўзбекистонда 22 июнь соат 10:00 ҳолатига кўра, коронавирусга чалинганлар сони 6358 нафарга етди. Мамлакатда ҳозиргача коронавирусга чалинган шахсларнинг 4377 нафари соғайган, 19 нафари эса касаллик асоратлари оқибатида вафот этган.