АҚШ ҳукумати мамлакат байроғини ёқиб юборган фуқарога нисбатан қамоққа олиш жазосини тайинлаш ҳақидаги қонунни имзолаши кутилмоқда. Бу ҳақда президент Дональд Трамп Оклахома штатидаги Талса шаҳрида сайловолди учрашув вақтида маълум қилган, дея хабар берди Fox News.
«Америка байроғини ёқиб юборган одамни бир йил муддатга қамаш ҳақидаги қонунни қабул қилишимиз зарур», — деган АҚШ етакчиси сайловчилар билан учрашувда.
Трамп ушбу фикр АҚШда афроамерикалик Жорж Флойднинг полиция томонидан қийноққа солиниши ва касалхонада вафот этиши оқибатида бошланган норозилик намойишлари сабаб пайдо бўлган. Президент Орегон штати Портленд шаҳрида Жорж Вашингтон ҳайкалининг ағдарилиши, ундан аввал эса байроқ билан ўраб ёқиб юборилиши салбий ҳолат эканини таъкидлаган.
Айни вақтда АҚШ олий судининг қарорига кўра (1989 йилдаги «Техас Жонсонга қарши» суд иши) конституциянинг дастлабки ўзгартиришларида ҳисобга олинган норозилик ҳамда сўз эркинлигига қарши муносабат сифатида Америка байроғини оммавий равишда ёқишга рухсат берилган.
АҚШдаги Black Lives Matter («Қора танлиларнинг ҳаёти муҳим») ҳаракати ўз акциялари давомида қулчилик ва расизмга алоқадорлиги тахмин қилинган тарихий шахсларнинг ҳайкалларини бузиб ташлаш ёки қулатиш ҳаракатларини амалга оширмоқда.
Миннесота штатидаги Сент-Пол шаҳрида Христофор Колумб ҳайкали шундай ҳужумга учраган. Массачусетсдаги Бостон шаҳрида эса Америка қитъаси очган саёҳатчининг боши синдириб ташланди. Ричмондда (Виржиния штати) Америка конфедератив штатлари президенти (1861–1865 йилларда бошқарган) Жефферсон Дэвиснинг ҳайкалига вандаллар томонидан зарар етказилган. Бельгия, Буюк Британия, Франция каби давлатларда ҳам қулдорлик рамзи ҳисобланган тарихий шахсларнинг ҳайкаллари вандализм қурбони бўлмоқда.
Изоҳ (0)