Ўтган бир сутка ичида бутун дунё бўйлаб 183 020 кишида коронавирус инфекцияси аниқланди. Бу ҳақда Жаҳон соғлиқни сақлаш ташкилотининг ҳисоботида келтирилган. ЖССТ маълумотларига кўра, дунёда COVID-19 билан касалланганлар сони 8,7 миллион кишидан, Жонс Ҳопкинс университети маълумотлари бўйича эса 8,9 миллион кишидан ошган.
Ўтган бир сутка давомида касалланиш бўйича энг кўп ҳолатлар (116 мингдан ортиқ) Шимолий ва Жанубий Америкада қайд этилган. 21 июнь ҳолатига кўра, Бразилияда коронавирус билан касалланганлар сони 17,4 минг кишига кўпайган, вирус қурбонлари сони эса 50 минг кишидан ошиб кетган.
Бутун дунёда коронавирус билан касалланиш бўйича бундан олдинги суткалик рекорд 20 май куни қайд этилганди — 106 минг бемор.
Аввалроқ Бразилияда COVID-19 билан касалланиш ҳолатлари 1 миллиондан, бутун дунёда эса 8 миллиондан ошгани тўғрисида хабар берилганди.
Мавзуга доир:
Изоҳ (0)