Футбол бўйича Испания чемпионатининг 29-турида «Реал Мадрид» 18 июнь, пайшанба куни «Валенсия»ни қабул қилди.
«Альфредо ди Стефано» стадионида кечган баҳсда мадридликларнинг қўли баланд келди. Учрашувнинг дастлабки бўлими «Реал»нинг устунлигида ўтди, бироқ голга тортадиган вазиятларда меҳмонлар ёрқинроқ ўйнади. Танаффусга қадар ҳисоб ўзгармади.
Иккинчи бўлим эса тўлиқ майдон эгалари назоратида ўтди. 61-дақиқада Карим Бензема Эден Азарнинг узатмасидан сўнг ҳисобни очди. 74-дақиқада 11 ойлик жароҳатдан сўнг майдонга қайтган Марко Асенсио тўпга биринчи тегинишдаёқ рақиб дарвозасини ишғол қилди.
86-дақиқада Бензема жамоасининг чиройли комбинациясини ажойиб гол билан якунлаб, ҳисобни йирик кўринишга олиб келди. Унга узатмани Асенсио амалга ошириб берди.
Шу тариқа ушбу ғалабадан сўнг «Реал» очколарини 62 тага етказиб олган ҳолда пешқадам «Барселона»ни (64) қувишда давом этмоқда.
Ла Лига
29-тур баҳслари
18 июнь, пайшанба
«Реал Мадрид» — «Валенсия» 3:0
Голлар: 1:0 – 61 Бензема, 2:0 – 74 Асенсио, 3:0 – 86 Бензема.«Реал Мадрид»: Куртуа, Варан, Рамос, Карвахаль, Менди, Каземиро, Кроос, Модрич, Вальверде (Асенсио, 74), Азар (Винисиус Жуниор, 82), Бензема.
«Валенсия»: Силлессен, Гайя, Мангаля, Гилямон, Васс, Солер (Черишев, 69), Кондогбиа, Парехо (Коклен, 69), Ферран Торрес (Гедеш, 59), Родриго (Ли Кан Ин, 76), Макси Гомес (Гамейро, 60).
Огоҳлантиришлар: Гайя (24), Гилямон (84).
Четлатиш: Ли Кан Ин (89).
«Алавес» — «Реал Сосьедад» 2:0
Голлар: 1:0 – 56 Сайнс, 2:0 – 90 Агиррегабириа.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)