Енгил вазн тоифасида UFC чемпиони Ҳабиб Нурмагомедовнинг мураббийи Хавьер Мендес шогирдининг Жастин Гэтжига қарши кечадиган жанги ҳақида фикр юритди.
«Агар Жастиннинг туриб жанг қилишдаги салоҳиятини баҳоласак, у яхши зарбачи, аммо энг зўри эмас. Ҳабиб машғулотларда зарба кучи Гэтжиникидан кучлироқ бўлган йигитлар билан шуғулланади ва у шу вақтга қадар ҳеч қандай муаммо сезмаган.
Ҳақиқатда нима бўлишини ҳеч ким билмайди. Битта лоукик ёки қўл зарбаси ҳаммасини ўзгартириб юбориши мумкин. Бир нарса аниқ, Жастин бу имкониятга лойиқ эди. У ажойиб жангчи ва ёрқин кураш олиб боради. Жанг кўнгилни қолдирадиган бўлмаслиги аниқ», — дейди Мендес.
Эслатиб ўтамиз, Гэтжи ва Ҳабиб ўртасидаги жанг жорий йилнинг сентябрь ойида бўлиб ўтиши кутилмоқда.
Изоҳ (0)