Енгил вазн тоифасида УФСънинг вақтинчалик чемпиони Жастин Гэтжи Конор Макгрегорни нокаутга учратиши мумкинлиги ҳақида гапирди.
«Масофани сақлаш — ҳар қандай жангда биринчи рақамли омилдир. Бу айниқса, дастлабки 30 сонияда муҳим аҳамият касб этади. Кўпчилик буни пайқамайди, лекин бу жанг бориши ва унинг якунланишида ҳал қилувчи ролни ўйнайди.
Менимча, кучли томоним — масофани ушлаб тура олишимдир. Рақибим масофани назорат қилишга уринганида ёки ҳужумга ўтмоқчи бўлганида, мен унга оёғим билан зарба беришим ва шу билан унинг имкониятларини чеклаб қўйишим мумкин. Агар ростини айтадиган бўлсам, Конорни нокаутга учратган бўлардим.
У тахминан, уч раунд юқори темпда жанг қила олади. Кейинги раундлар эса у учун жуда оғир ўтади. Макгрегор буни билади ва унгача боришни хоҳламайди. Шунинг учун у энди хавфсиз деб ўйлайман», — дейди Гэтжи.
Эслатиб ўтамиз, Ҳабиб Нурмагомедов ва Жастин Гэтжи ўртасидаги титул жанги сентябрь ойида ўтказилиши режалаштирилган.
Изоҳ (0)