Енгил вазн тоифасида UFC вақтинчалик чемпиони Жастин Гэтжи фаолиятини якунлаганини эълон қилган Конор Макгрегор ҳақида гапирди. Унинг фикрича, Гэтжи чемпионлик жангида Ҳабиб Нурмагомедовни енгадиган бўлса, Конор фаолиятини қайта тиклайди.
«Ўйлашимча, Макгрегор яна жанг қилади. У мен ва Ҳабиб ўртасида кечадиган жанг натижасини кутмоқда. Агар Ҳабибни таслим қиладиган бўлсам, у аниқ қайтади. Агар Ҳабиб ютадиган бўлса, бунга ишончим комил эмас.
Нима бўлишидан қатъи назар, у афсона. Буни инкор қилиб бўлмайди. У ҳар бир яккакурашчи орзу қиладиган нарсаларга эришди. Унинг олдида шляпамни ечаман, бироқ унинг юзига мушт туширишни интиқиб кутяпман», — дейди Гэтжи.
Эслатиб ўтамиз, Гэтжи UFC 249 мусобақасида Тони Фергюсонни мағлуб этган ҳолда енгил вазн тоифаси вақтинчалик камарига эга чиқди. Шу тариқа Жастин чемпионлик жангида Ҳабиб Нурмегомедов билан жанг қилиш ҳуқуқини қўлга киритди. Улар ўртасидаги беллашув сентябрь ойида бўлиб ўтиши мўлжал қилинмоқда.Аввалроқ Конор Макгрегор UFC’ни тарк этишиши маълум қилганди.
Изоҳ (0)