Россиялик UFC жангчиси Алексей Олейник навбатдаги жангини 8 август куни ўтказадиган бўлди. Унга оғир вазн рейтингининг тўртинчи рақамли жангчиси Деррик Льюис рақиблик қилади. Ушбу қарама-қаршилик кечанинг асосий воқеаси бўлиши кутилмоқда.
«Жанг учун янги шартнома олдим. 8 август санасида, кечанинг асосий жангида Деррик Льюис билан тўқнашаман», — дея ёзиб қолдирган Олейник Instagram’даги саҳифасида.
Эслатиб ўтамиз, Алексей Олейник охирги жангини 2020 йилнинг май ойида ўтказган. Ўшанда у UFC’нинг собиқ чемпиони Фабрисио Вердумни мағлуб этганди. Қайд этиш жоиз, 8 августдаги жанг 42 ёшли Олейник учун 2020 йилнинг ҳисобидан учинчиси бўлади. Алексей январь ойида Морис Гринндан устун келганди. Олейник сўнгги ютуқлари туфайли оғир вазн рейтингида ўн биринчи ўринга кўтарилиб олишга муваффақ бўлди.
Льюис эса сўнгги жангида Илир Латифини мағлубиятга учратган.
Изоҳ (0)