Futbol bo‘yicha Ispaniya chempionatining 29-turida “Real Madrid” 18-iyun, payshanba kuni “Valensiya”ni qabul qildi.
“Alfredo di Stefano” stadionida kechgan bahsda madridliklarning qo‘li baland keldi. Uchrashuvning dastlabki bo‘limi “Real”ning ustunligida o‘tdi, biroq golga tortadigan vaziyatlarda mehmonlar yorqinroq o‘ynadi. Tanaffusga qadar hisob o‘zgarmadi.
Ikkinchi bo‘lim esa to‘liq maydon egalari nazoratida o‘tdi. 61-daqiqada Karim Benzema Eden Azarning uzatmasidan so‘ng hisobni ochdi. 74-daqiqada 11 oylik jarohatdan so‘ng maydonga qaytgan Marko Asensio to‘pga birinchi teginishdayoq raqib darvozasini ishg‘ol qildi.
86-daqiqada Benzema jamoasining chiroyli kombinatsiyasini ajoyib gol bilan yakunlab, hisobni yirik ko‘rinishga olib keldi. Unga uzatmani Asensio amalga oshirib berdi.
Shu tariqa ushbu g‘alabadan so‘ng “Real” ochkolarini 62 taga yetkazib olgan holda peshqadam “Barselona”ni (64) quvishda davom etmoqda.
La Liga
29-tur bahslari
18-iyun, payshanba
“Real Madrid” — “Valensiya” 3:0
Gollar: 1:0 – 61 Benzema, 2:0 – 74 Asensio, 3:0 – 86 Benzema.“Real Madrid”: Kurtua, Varan, Ramos, Karvaxal, Mendi, Kazemiro, Kroos, Modrich, Valverde (Asensio, 74), Azar (Vinisius Junior, 82), Benzema.
“Valensiya”: Sillessen, Gayya, Mangalya, Gilyamon, Vass, Soler (Cherishev, 69), Kondogbia, Parexo (Koklen, 69), Ferran Torres (Gedesh, 59), Rodrigo (Li Kan In, 76), Maksi Gomes (Gameyro, 60).
Ogohlantirishlar: Gayya (24), Gilyamon (84).
Chetlatish: Li Kan In (89).
“Alaves” — “Real Sosyedad” 2:0
Gollar: 1:0 – 56 Sayns, 2:0 – 90 Agirregabiria.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)