«Лейпциг» клуби ва Германия терма жамоаси ҳужумчиси Тимо Вернер фаолиятини «Челси»да давом эттиради.
Лондонликлар клуби Вернер билан беш йиллик шартнома имзолаганини маълум қилди. 24 ёшли футболчи Бундеслига жорий мавсуми охирагача «буқалар» сафида қолади. У июль ойида «Челси» сафига келиб қўшилади.
«Челси»га ўтаётганимдан хурсандман. Ортда қолган ажойиб тўрт йил учун «Лейпциг»га ташаккур айтаман. Сиз менинг қалбимда қоласиз.
Янги шериклар, бош мураббий ва албатта, «Челси» мухлислари билан бирга ўтадиган келаси мавсумни интизорлик билан кутяпман. Бизни муваффақиятли келажак кутмоқда», — дейди Вернер.
Аввалроқ «кўклар» трансферга 47,5 миллион фунт тўлаши хабар қилинганди. Футболчи ҳафтасига 170 минг фунт маош олади.
Шунингдек, трансфер учун тўланган миқдорнинг 15 фоизи Вернернинг собиқ жамоаси «Штутгарт»га кетади.
Мавзуга доир: Тимо Вернер Бундеслигада 8 йилдан бери ҳеч бир германиялик футболчи қайд этолмаган натижага эришди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)