«Ливерпуль» собиқ ярим ҳимоячиси Стивен Жеррард «мерсисайдликлар» бош мураббийи Юрген Клопп ҳақидаги фикрлари билан ўртоқлашди.
«Мен дарҳол аниқлик киритиб олмоқчиман: Юрген — дунёнинг энг яхши мураббийидир. У «Ливерпуль»ни янги босқичга олиб чиқа олди. Клопп келганида клуб Премьер Лиганинг дастлабки тўртлигида ҳам эмасди. У Чемпионлар Лигасида ғолиб бўлди ва 30 йиллик танаффусдан кейин илк бор Англия чемпионлигини қўлга киритишга яқин турибди.
Юргенни муносиб мукофотлаш керак деб ўйлайман. Кўпинча биз футболда ўзгаларнинг ютуқларини тан олиш учун уларнинг кексайишини кутамиз. Аммо ўйлашимча, «Ливерпуль» хўжайинлари бунга йўл қўймайди. Премьер Лига ғолиблигидан сўнг улар Клоппнинг ҳайкали устида ишлашни бошлаши керак», — дейди Жеррард.
Маълумот учун, Юрген Клопп 2015 йилда «Ливерпуль»ни қабул қилиб олган. Шу йиллар мобайнида «қизиллар» унинг қўл остида Чемпионлар Лигаси, клублар ўртасидаги Жаҳон чемпионати ва УЕФА Суперкубогида ғолиб чиқди. Германиялик 52 ёшли мутахассиснинг инглиз клуби билан келишуви 2024 йилгача амал қилади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)