«Наполи» устози Женнаро Гаттузо жамоа машғулотларидан ҳужумчи Ирвинг Лосанони ҳайдаб юборди. Бу ҳақида Football Italia хабар бермоқда.
Таъкидланишича, Гаттузога Лосанонинг машғулотларга бор диққат-эътиборини қаратмагани ёқмаган. Бундай ҳолат эса биринчи марта такрорланиши эмас, деб ёзмоқда нашр.
Россия майдонларида ўтказилган мундиалда порлаган 24 ёшли Лосанонинг «Наполи»даги келажаги эндиликда сўроқ остида қолмоқда.
Қайд этиш жоиз, «Наполи» 17 июнь санасида Италия Кубоги финали доирасида «Ювентус»га қарши баҳс олиб боради.
Маълумот учун, Лосано жорий мавсум А Серия доирасида 16 та ўйинда қатнашиб, иккита гол урди.
Эслатиб ўтамиз, «Наполи» Лосанони 2019 йил ёзида ПСВдан сотиб олганди. Унинг трансфери айни дамда 28 миллион еврога баҳоланмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)