Видео: «Ўқланган» Audi, BMW ва Volkswagen кроссоверлари пойга майдончасида куч синашди

YouTube’даги Carwow канали блогерлари немис маркасига тегишли учта тўлиқ узатмали «ўқланган» кроссоверларни ўзаро куч синаштирди. Рақобатчилар оғирлиги, қуввати ва нархи билан бир-бирига ўхшайди. Рақиблар тўрт мил масофага пойга уюштириб, тормозларнинг ишлаш самарадорлигини ҳам синаб кўрди, деб хабар беради Motor.

BMW X2 M35i xDrive моделига 306 от кучи ва 450 Нм айланувчи моментга эга 2,0 литрли турботўртлик ўрнатилган бўлиб, у саккиз поғонали автомат узатмалар қутиси ёрдамида бошқарилади. Бавария кросс-хетчи энг оғири ва қиммати ҳисобланади: оғирлиги — 1685 килограмм, нархи — 44 325 фунт стерлинг.

Учала кроссовер ҳам «кўтарилган» хот-хетч ҳисобланади — BMW М35i хDrive, Audi S3 ва Volkswagen Golf R.

Audi SQ2 ва Volkswagen Т-Roc R техник жиҳатдан деярли бир хил: иккала моделга ҳам 300 от кучига эга 2,0 литрли турбомотор ўрнатилган бўлиб, 7 поғонали робот ёрдамида бошқарилади. Audi модели Volkswagen’дан кўра, 65 килограммга енгилроқ бўлиб, оғирлиги 1510 килограммга тенг. Буюк Британияда Audi SQ2 нархи 37 370 фунт стерлингни, Volkswagen Т-Roc R — 38 450 фунт стерлингни ташкил этади.

Моделларнинг техник тавсифлари тажриба давомида исботланди: 402 метр масофага уюштирилган пойгада немис маркасидаги кросс-хетчлар бир-биридан 0,1 сония фарқ билан маррага етиб келган. Ғолибни фотофиниш аниқлаб берган. Тормоз самарадорлигини синовдан ўтказиш ва соатига 80 километрдан максимал тезликка қадар тезланиш ҳам яхши натижа кўрсатган.