YouTube’даги «Ноодатий дизайн» канали 3D-принтер ёрдамида «Formula-1» болидининг тўлиқ ишлайдиган узатмалар қутиси прототипини яратиш тасвирланган видео билан бўлишди.
Бу каби технологиялар автомобилсозлик саноатида анчадан буён қўлланиб келинади. 3D-принтерлар дизайнининг алоҳида декоратив элементлари билан бирга, кузовнинг йирик элементларини ҳам ярата олади. Мазкур ролик муаллифи янада чуқурроқ бориб, «Formula-1» болидининг ишлайдиган узатмалар қутишини чоп этишга уринди.
Дастлаб пойга трансмиссиясининг барча элементлари компьютерда лойиҳалаштирилган ва шундан сўнг 3D-принтер ёрдамида қатламли чоп этиш усули ишга туширилган. Ролик муаллифи қутини ҳақиқий трансмиссия каби бошқара оладиган тўлиқ ишчи прототипни яратишга муваффақ бўлган.
Бироқ 3D-модель яратувчисининг сўзларига кўра, унинг лойиҳаси бирор-бир аниқ «Formula-1» болидининг узатмалар қутиси эмас, балки турли конструкциялар жамланмаси бўлиб, у тез ва аниқ узатишларни амалга оширишга ёрдам берадиган махсус электроника ҳисобланади. 3D-трансмиссия муаллифи ҳозирга қадар узатмалар қутисини лойиҳалаш ва йиғиш жараёнлари тасвирланган бешта ролик билан бўлишган.
Изоҳ (0)