Автомобильлар йўлларида содир бўлган йўл-транспорт ҳодисалари учун қутқарувчиларнинг ўз вақтида етиб келишини таъминлашга хизмат қиладиган Median AMB Expressway Ambulance System лойиҳаси тақдим этилди, деб хабар беради CARakoom.
Мазкур лойиҳа устида бир неча саноат дизайнерлари ишлаган бўлиб, 2018 йилда у RedDot Concept Design Award нуфузли дизайнерлик мукофотини қўлга киритган эди. 2020 йилда лойиҳа дизайни янгиланган.
Меdian АМB концепцияси йўлни ўртасидан ажратиб турувчи марказий тўсиқлардан тиббиёт транспорт воситалари ҳаракати учун йўл сифатида фойдаланишни таклиф этади. Бир қарашда янгилик рельс йўлидаги кичик кабинага ўхшайди. У автомобиль тирбандликларидан қочиб, ҳодиса жойига максимал даражада тез етиб бориш имконини беради.
Бир қарашда бу жуда ажойиб ғояга ўхшайди. ЙТҲ ҳақида сигнал энг яқин станцияга келиб тушади, ичида тиббиёт ходимлари бор кабина эса 3 дақиқа ичида ҳодиса жойига йўл олади.
Жароҳат олган шахс кабинага олинади, шундан сўнг яна станцияга қайтилади. У ерда бемор тиббиёт автомобилига ўтказилиб, яқин атрофдаги касалхонага етказилади.
Тўлиқ автоном ҳолатда ҳаракатланувчи кабина ичидан тиббиёт ходими ва бир нафар беморнинг ётиши учун жой мавжуд. Ичкаридаги панелдан белгиланган манзилгача бўлган масофа ва вақт, беморнинг аҳволи тўғрисида базавий маълумотлар ўрин олади. Шу билан бирга, кабина ичида бирор-бир жиддий тиббиёт ускунаси бўлмайди.
Изоҳ (0)