YouTube’dagi Carwow kanali blogerlari nemis markasiga tegishli uchta to‘liq uzatmali “o‘qlangan” krossoverlarni o‘zaro kuch sinashtirdi. Raqobatchilar og‘irligi, quvvati va narxi bilan bir-biriga o‘xshaydi. Raqiblar to‘rt mil masofaga poyga uyushtirib, tormozlarning ishlash samaradorligini ham sinab ko‘rdi, deb xabar beradi Motor.
BMW X2 M35i xDrive modeliga 306 ot kuchi va 450 Nm aylanuvchi momentga ega 2,0 litrli turboto‘rtlik o‘rnatilgan bo‘lib, u sakkiz pog‘onali avtomat uzatmalar qutisi yordamida boshqariladi. Bavariya kross-xetchi eng og‘iri va qimmati hisoblanadi: og‘irligi — 1685 kilogramm, narxi — 44 325 funt sterling.
Uchala krossover ham “ko‘tarilgan” xot-xetch hisoblanadi — BMW M135i xDrive, Audi S3 va Volkswagen Golf R.
Audi SQ2 va Volkswagen T-Roc R texnik jihatdan deyarli bir xil: ikkala modelga ham 300 ot kuchiga ega 2,0 litrli turbomotor o‘rnatilgan bo‘lib, 7 pog‘onali robot yordamida boshqariladi. Audi modeli Volkswagen’dan ko‘ra, 65 kilogrammga yengilroq bo‘lib, og‘irligi 1510 kilogrammga teng. Buyuk Britaniyada Audi SQ2 narxi 37 370 funt sterlingni, Volkswagen T-Roc R — 38 450 funt sterlingni tashkil etadi.
Modellarning texnik tavsiflari tajriba davomida isbotlandi: 402 metr masofaga uyushtirilgan poygada nemis markasidagi kross-xetchlar bir-biridan 0,1 soniya farq bilan marraga yetib kelgan. G‘olibni fotofinish aniqlab bergan. Tormoz samaradorligini sinovdan o‘tkazish va soatiga 80 kilometrdan maksimal tezlikka qadar tezlanish ham yaxshi natija ko‘rsatgan.
Izoh (0)