«Реал» сардори Серхио Рамос Испания чемпионатининг энг яхши тўпурар ҳимоячилари рўйхатида етакчига айланди.
Ла Лига 28-турида «Эйбар» (3:1) дарвозасини ишғол қилган футболчининг Примерадаги голлари сони 67 тага етди. Шу тариқа Рамос «Барселона» собиқ ҳимоячиси Роналд Куманнинг рекордини такрорлади. Нидерландиялик футболчидан фарқли равишда Серхио голларининг асосий қисмини пенальтидан эмас, ўйиндан урган.
«Реал» собиқ ҳимоячиси Фернандо Йерро Рамос ва Кумандан кўпроқ гол урган — 105 та. Бироқ Йерро голларининг асосий қисмини ярим ҳимоячи позициясида тўп сурган вақтида киритган.
Ла Лиганинг топ-5 тўпурар ҳимоячилари:
1–2. Серхио Рамос («Реал») — 67 гол (11 — пенальтидан)1–2. Роналд Куман («Барселона») — 67 (46)3. Фернандо Йерро («Реал») — 51 (19)4. Роберто Карлос («Реал») — 46 (2)5. Пирри («Реал») — 45 (16)
Рамос «Реал»га 2005 йилда 27 миллион евро эвазига «Севилья»дан ўтган. 34 ёшли футболчи жорий мавсум Примеранинг 25 та ўйинида қатнашиб, олтита гол муаллифига айланди ва етти марта сариқ карточка олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)