Кьеллини Роналду ҳақида: «Сизда шундай чемпион бўлса-ю, ундан фойдалана олмасангиз, бу — шармандалик»

«Ювентус»нинг 35 ёшли ҳимоячиси Жоржио Кьеллини жамоадоши Криштиану Роналду ҳақидаги фикрлари билан ўртоқлашди.

«Яхшиямки, у ҳозир менинг жамоадошим. Роналду бошқа даражадаги ўйинчи, буни унинг ўйинида кўришингиз мумкин. Роналдунинг «Ювентус»га ўтиши клубга кўп нарса берганини тан олиш тўғри деб ўйлайман. Агар сизда бундай чемпион бўлса-ю, лекин ундан кўпроқ фойдалана олмасангиз, бу — шармандаликдир», — дейди Кьеллини.

Эслатиб ўтамиз, Жоржио Кьеллини 2005 йилдан бери «Ювентус» таркибида ўйнаб келади. У Турин клубида жами 509 та ўйин ўтказиб, 36 та гол урган ва 20 та голга ассистентлик қилган.

Роналду эса 2018 йилнинг ёзида 117 миллион евро эвазига «Реал»дан Турин клубига кўчиб ўтган. У жорий мавсумда А Сериянинг 22 ўйинида ўз ҳисобига 21 та гол ва 3 та ассист ёздириб қўйди. Португалиялик футболчининг амалдаги шартномаси 2022 йилнинг ёзигача мўлжалланган.