Футбол бўйича Ўзбекистон Суперлигасидан ўрин олган «Сўғдиёна» ва «Пахтакор» жамоалари ўртасидаги баҳсдан (1:0) сўнг ҳар иккала жамоа бош мураббийлари ўйин ҳақидаги фикрлари билан ўртоқлашди.

Дастлаб меҳмонлар устози Шота Арвеладзе учрашув ҳақида қуйидаги фикрларни билдирди:

«Ўйин кутганимиздек қийин кечди. Чемпионатнинг тўхтаб қолгани ёмон бўлди. Энди аввалги ҳолатга қайтишимиз лозим. Жуда секин ўйнадик, суръатни оширмадик. Бунга мезбонлар ҳам ўйинни кўп тўхтатиб, сабабчи бўлишди. Мезбонларни олқишлашим мумкин. Карантиндан кейин яхши ҳолатга қайтиб олишга бир неча ўйин керак бўлади. Ҳар икки бўлимда ҳам секин ҳаракат қилдик».

«Сўғдиёна» бош мураббийи Улуғбек Бақоев эса ғалаба учун шогирдларига миннатдорчилик изҳор этди.

«Бугун амалдаги чемпионга қарши баҳс олиб бордик. Пандемия боис ўйин ритмини йўқотган эдик. Дастлабки 3 турда 1 очко ишладик. Йигитларга бугунги ўйин учун ташаккур изҳор этаман, қийин учрашувда ғалаба қозондик. «Пахтакор»га эса Чемпионлар Лигаси баҳсларида омад тилайман», — дейди Бақоев.

Ушбу ғалабадан сўнг «Сўғдиёна» очколарини сонини 4 тага етказиб «Металлург»га етиб олган бўлса, «Пахтакор» очколари (9) ўзгаришсиз қолди.