«Реал» устози Зинедин Зидан мадридликлар бошқарувида 200 та ўйин ўтказган «Қироллик клуби» тарихидаги учинчи мураббийга айланди.
Испания чемпионатининг 28-тури доирасидаги «Эйбар»га қарши ўйин (3:1) франциялик мутахассис учун юбилейга айланди.
Бу борада рекордчи Мигел Муньос ҳисобланади, унинг ҳисобида 605 та ўйин бор. Кейинги ўриндан Висенте дель Боске (236) ўрин олган.
Зидан қўл остидаги 200 ўйинда «қаймоқранглилар» 132 марта ғалаба қайд этган, 42 бор дуранг ўйнаб, 26 та ўйинда мағлуб бўлган. 47 ёшли мутахассис «Реал»да ўнта совринга эга чиқди, уларнинг ичида учта Чемпионлар Лигаси бош соврини ҳам бор. Унинг даврида Мадрид клуби 486 та гол урди (ҳар бир ўйинда ўртача 2,44) ва 209 марта ўз дарвозасидан тўп олиб чиқди (ўртача 1,05).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)