Футбол бўйича Испания Ла Лигасининг 28-туридан ўрин олган «Реал» ва «Эйбар» жамоалари ўртасидаги учрашув 14 июнь, якшанба куни бўлиб ўтди.
«Альфредо ди Стефано» стадионида бўлиб ўтган баҳсда мадридликларнинг қўли баланд келди. Учрашувнинг 4-дақиқасидаёқ Тони Кроос жарима майдони ташқарисидан аниқ зарба йўллаб, ҳисобни очди. 30-дақиқада эса Серхио Рамос мезбонларнинг қарши ҳужумини муваффақиятли якунлади.
Орадан кўп вақт ўтмай Марсело ҳисобни йирик кўринишга олиб келди. Меҳмонлар бунга 60-дақиқада Педро Бигаснинг голи билан жавоб қайтарди. Қолган вақтда ҳисоб ўзгармади ва «Қироллик клуби» мавсум рестартини ғалаба билан бошлади.
«Реал» очколарини 59 тага етказиб олган ҳолда пешқадам «Барселона» (61) билан ўртадаги фарқни яна иккитага етказди.
Ла Лига
28-тур баҳси
14 июнь, якшанба
«Реал Мадрид» — «Эйбар» 3:1
Голлар: 1:0 – 4 Кроос, 2:0 – 30 Рамос, 3:0 – 37 Марсело, 3:1 – 60 Бигас.«Реал Мадрид»: Куртуа, Рамос (Милитао, 61), Марсело, Варан, Карвахаль (Менди, 46), Каземиро, Кроос, Родриго (Бэйл, 61), Модрич (Вальверде, 84), Азар (Винисиус Жуниор, 61), Бензема.
«Эйбар»: Дмитрович, Оливейра, Рафа Соареш (Бигас, 57), Арбилья (Бургос, 84), Корреа, Экспосито, Альварес, Орельяна (Леон, 57), Де Бласис (Инуи, 78), Кристофоро, Кике Гарсия (Энрик, 57).
Огоҳлантиришлар: Каземиро (47), Кристофоро (90+3).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)