Ҳиндистоннинг Ченнай шаҳрида яшовчи сураткаш Варун Жайн ўрмонда олган сурати билан бўлишди. Унинг айтишича, ушбу суратда укки ҳам акс этган, бироқ уни осонликча пайқаб бўлмайди, деб ёзади Daily Mail.
Қайд этилишича, қуш шу қадар устамонлик билан дарахтга ўрнашганки, натижада у сезилмайди.
30 ёшли сураткашнинг сўзларига кўра, у бу кадрни Ҳиндистон марказидаги Пенч миллий боғида олган.
У дастлаб қоплонни расмга олишни мўлжаллаган, бироқ қайсидир дақиқада дарахт унинг эътиборини тортган. Шунда у дарахт ковагида укки ўтирганини пайқаган.
«Дарахтда укки борлигини сезиш учун 10 дақиқача вақт сарфладим», — дейди у.
У боғга бир неча дўстлари билан бирга боргани ва қушни кўришга уларга бир ҳолат ёрдам берганини айтган.
«Агар қушнинг эътиборимни тортган билинар-билинмас ҳаракати бўлмаганида мен уккини сезмасдим», — дейди Жайн.
Унинг сўзларига кўра, расмга олиш жараёни қийин кечмаган, бироқ одамларни суратда укки борлигига ишонтириш қийин бўлган.
Изоҳ (0)