Нигерия шимоли-шарқидаги Борно штатига жангарилар томонидан амалга оширилган иккита ҳужум оқибатида камида 40 нафар тинч аҳоли ва 20 нафар ҳарбий ҳалок бўлди, деб хабар беради The Guardian.
Маълумотларга кўра, ҳужумлар Монгуно ва Нганзай маҳаллий ҳокимиятлари ҳудудида содир бўлган. Жангарилар маҳаллий шифохонани эгаллаб олган, шу сабабли баъзи ярадорлар муассасадан ташқарида ёрдам кутишга мажбур бўлган. Бундан ташқари, улар БМТнинг гуманитар маркази ҳамда маҳаллий полиция участкасини ёқиб юборган.
Жангарилар маҳаллий тилда хат тарқалиб, аҳолини ҳарбийлар ёки халқаро ёрдам гуруҳлари билан ҳамкорлик қилмасликка чақирган.
Таъкидланишича, ҳужум «Ғарбий Африка Ислом давлати» (ISWАP) террорчилик гуруҳи томонидан 69 нафар тинч аҳоли ўлдирилганидан бир неча кун ўтиб амалга оширилган
ISWАP — 2002 йилдан буён Нигерия ҳудудида фаол ҳаракат қилиб келаётган «Боко Харам» террорчилик гуруҳининг бўлинмаларидан 2015 йилда ташкил топган. Гуруҳ етакчиси Муҳаммад Юсуф 2009 йилнинг июлида ўлдирилган. Тахминларга кўра, Муҳаммад Юсуф қамоқхонадан қочишга уринганида отиб ташланган.
Изоҳ (0)