Хитой ҳукуматини коронавирус эпидемияси хавфи ҳақида огоҳлантиришга уринган уханлик шифокорлардан бири — Ли Вэньлян ота бўлди. Бироқ унга ўғлини кўриш насиб этмади, деб хабар беради «Penpay» агентлиги.
Ли Вэньлян 2020 йилнинг февралида коронавирусдан вафот этган. Марҳумнинг рафиқаси фарзандли бўлганини WeChat ижтимоий тармоғи орқали маълум қилган.
«Сен буни жаннатдан туриб кўряпсанми? Менга қилган энг сўнгги совғанг бугун дунёга келди», — деб ёзади аёл.
Ли Вэньлян 2019 йилнинг декабрида вирус юқтириб олган беморлар ҳақида ҳамкасбларини огоҳлантиришга уринган. Дастлаб у атипик пневмония эпидемиясини чақирадиган вирус ҳақида WeChat орқали оммага маълум қилган. Амалдорлар ва полиция шифокордан ёлғон маълумотлар тарқатмасликни сўраган ва у ўз ишини яна давом эттира бошлаган. Январь ойининг ўрталарига келиб эса Лининг ўзи ҳам коронавирусни юқтириб олган.
Мавзуга доир: Пекинда коронавирус ҳақида огоҳлантирган шифокорнинг ўлими туфайли текширув ўтказилади
Изоҳ (0)