Залп ўт очиш тизимидан учирилган ракета Бағдод шимолидаги АҚШ қуролли кучлари томонидан фойдаланиб келадиган «Кэмп-Тажи» базаси яқинига келиб тушди, деб хабар беради Al Sumaria.
Телеканалнинг Ироқ хавфсизлик кучларидаги манбасига таяниб маълум қилишича, ҳозирча қурбонлар ва етказилган моддий зарар ҳақида маълумот йўқ.
Ироқдаги Америка объектлари мунтазам ракеталар ҳужумига учраб туради. Март ойида иккита ракета АҚШнинг Бағдоддаги элчихонаси яқинига келиб тушганди.
Бунга қадар «Кэмп-Тажи» ҳудудига залп ўт очиш тизимининг камида 25 та ракета снарядлари келиб тушган. Америка ҳарбий коалициясининг расмий вакили полковник Майлз Кэггинснинг маълум қилишича, ҳужумлар оқибатида беш киши жароҳат олган. Уларнинг уч нафари АҚШ ҳарбий хизматчиси бўлса, икки нафари — ироқлик ҳарбийлар.
Изоҳ (0)