Nigeriya shimoli-sharqidagi Borno shtatiga jangarilar tomonidan amalga oshirilgan ikkita hujum oqibatida kamida 40 nafar tinch aholi va 20 nafar harbiy halok bo‘ldi, deb xabar beradi The Guardian.
Ma’lumotlarga ko‘ra, hujumlar Monguno va Nganzay mahalliy hokimiyatlari hududida sodir bo‘lgan. Jangarilar mahalliy shifoxonani egallab olgan, shu sababli ba’zi yaradorlar muassasadan tashqarida yordam kutishga majbur bo‘lgan. Bundan tashqari, ular BMTning gumanitar markazi hamda mahalliy politsiya uchastkasini yoqib yuborgan.
Jangarilar mahalliy tilda xat tarqalib, aholini harbiylar yoki xalqaro yordam guruhlari bilan hamkorlik qilmaslikka chaqirgan.
Ta’kidlanishicha, hujum “G‘arbiy Afrika Islom davlati” (ISWAP) terrorchilik guruhi tomonidan 69 nafar tinch aholi o‘ldirilganidan bir necha kun o‘tib amalga oshirilgan
ISWAP — 2002-yildan buyon Nigeriya hududida faol harakat qilib kelayotgan “Boko Xaram” terrorchilik guruhining bo‘linmalaridan 2015-yilda tashkil topgan. Guruh yetakchisi Muhammad Yusuf 2009-yilning iyulida o‘ldirilgan. Taxminlarga ko‘ra, Muhammad Yusuf qamoqxonadan qochishga uringanida otib tashlangan.
Izoh (0)