Nigeriya shimoli-sharqidagi Bauchi shtatida kemaning ag‘darilishi oqibatida 38 nafar odam halok bo‘ldi. Bu haqda “Korrespondent” xabar berdi.
Mahalliy hukumat Kuna qishlog‘i yaqinida bortida 40 nafar odam bo‘lgan kemaning ag‘darilishi oqibatida yo‘lovchilarning ikki nafari qutqarib qolinganini xabar qilgan.
Xabarga ko‘ra, yo‘lovchilarning hammasi turli og‘irlikdagi yuklari bilan suv transportiga chiqqan mahalliy fermerlar bo‘lgan. Mahalliy politsiya hamda favqulodda vaziyatlar davlat agentligi hodisa yuzasidan surishtiruv ishlarini boshlab yuborgan.
Nigeriya prezidenti Muhammadu Buxari ushbu avariyaning sodir bo‘lgani nafaqat qurbonlarning oilalari balki butun mamlakat uchun og‘ir fojea ekanligini ta’kidlagan.
Avval Hindistonning Andxra-Pradesh shtatidagi Godavari daryosida ichida turistlar bo‘lgan motorli qayiq ag‘darilishi oqibatida 12 nafar odam cho‘kib ketgan va 30 nafar yo‘lovchi bedarak yo‘qolgandi.
Kongo demokratik respublikasidagi kema bilan bog‘liq vaziyat natijasida 34 nafar odam bedarak yo‘qolgan, 102 yo‘lovchi orasidan 76 odam qutqarib qolingandi.