Президент Шавкат Мирзиёев Олмазор туманидаги Next Generation Product қўшма корхонасида бўлди ва бу ердаги ишлаб чиқариш фаолияти билан танишди. Бу ҳақда Президент матбуот хизмати хабар берган.
Хабарга кўра, корхонада Royal савдо белгиси остида йилига 460 минг дона электр ва қуёш энергияси асосида ишловчи сув иситиш ускунаси, Германиянинг Viessmann бренди остида 75 минг дона сув иситиш қозони ишлаб чиқарилади. Корхонада жами 530 киши иш ўрни билан таъминланган.
Маҳсулотлар Россия, Украина, Қозоғистон, Қирғизистон, Тожикистон, Туркманистон ва Афғонистонга экспорт қилинмоқда. 2020 йилнинг январь—май ойларида қиймати 1,8 миллион АҚШ долларига тенг маҳсулот экспорт қилинган. 2020 йил охиригача кўрсаткични 7 миллион долларга етказиш мўлжалланган.
Мавзуга доир: «Ўзим ҳам 15 йил ижарада яшаганман». Шавкат Мирзиёев Олмазордаги олимлар мавзесида бўлди
Ташриф давомида Шавкат Мирзиёевга корхонадаги янги лойиҳалар ҳақида маълумот берилган. Президент маҳсулотлар турини кўпайтириб, қўшимча иш ўринлари яратиш бўйича кўрсатма ва топшириқлар берди, дейилади хабарда.
Мавзуга доир:
Изоҳ (0)