Фарғонада тадбиркорга қурилиш объектини олиб бериши эвазига 5 минг доллар талаб қилган қишлоқ хўжалиги бошқармаси ҳисобчиси фирибгарлик устида қўлга олинди. Бу ҳақда Бош прокуратура матбуот хизмати «Дарё»га маълум қилди.
Бош прокуратура ҳузуридаги департаментнинг Риштон туман бўлими томонидан ДХХ ходимлари билан ҳамкорликда ўтказилган тезкор тадбирда Фарғона вилояти қишлоқ хўжалиги бошқармаси бош ҳисобчиси Н.У. ва бошқалар хусусий корхона раҳбари Н.дан бошқарма балансидаги бузилиб кетган Риштон тумани қишлоқ хўжалиги бўлими биносини қайта қуришни унинг корхонаси топшириш эвазига 5 минг АҚШ долларини фирибгарлик йўли билан олган вақтида ашёвий далил билан ушланган.
Мазкур ҳолат юзасидан Н.У. ва бошқаларга нисбатан Жиноят кодексининг 168-моддаси 3-қисми (Фирибгарлик) ҳамда 211-моддалари (Пора бериш) билан жиноят иши қўзғатилиб, тергов ҳаракатлари ўтказилмоқда, дейилади Бош прокуратура хабарида.
Мавзуга доир:
- Наманганда икки гектар ерни ноқонуний сотмоқчи бўлган фермер хўжалиги раҳбари қўлга олинди
- Наманганда хўжалик ерини 14 минг долларга боғдорчилик учун ажратиб бермоқчи бўлган фермер хўжалиги раҳбари ушланди
- Олмалиқда 2 нафар фуқарони ишга олиб киришни ваъда қилиб, улардан 3 минг АҚШ доллари талаб қилган фирибгар қўлга тушди
Изоҳ (0)