Пенсия жамғармаси Ўзбекистоннинг 34 миллион аҳолисидан 15 миллиони иқтисодий фаол инсонлар ҳисобланиши, бугунги кунда иқтисодий фаол аҳолининг қарийб 5,8 миллион нафари меҳнат шартномалари асосида, 400 мингдан зиёди якка тартибдаги тадбиркорлик фаолиятини юритиб, Пенсия жамғармасига ижтимоий солиқ тўлаб келаётгани ҳақида маълумот берди.
Жамғарманинг қайд этишича, Ўзбекистонда деярли 9 миллион киши расмийлаштирмаган ҳолда фаолият юритмоқда. Ушбу тоифага хорижий давлатларда ишлаётган 2,5 миллионга яқин мигрантлар, деҳқон хўжаликларида ва томорқа ерида банд бўлган 1,5 миллиондан ортиқ киши, қурилиш соҳасида, бозорлар, маиший хизмат кўрсатиш ва мавсумий ишларда банд бўлган 4 миллиондан ортиқ кишини киритиш мумкин.
Ушбу фуқаролар ўз фаолиятини расмийлаштирмаган ҳамда Пенсия жамғармасига тўловлар амалга оширмагани учун келгусида ижтимоий ҳимоядан, жумладан, пенсия таъминотидан маҳрум бўлиши мумкин. Шу сабабли ўзини ўзи банд қилган фуқаролар фаолиятларини расмийлаштиришни соддалаштириш, якка тартибдаги тадбиркорлар ва оилавий корхоналарга қулайлик яратиш мақсадида 2020 йил 8 июнда Президент қарори имзоланган.Қарорда ўзини ўзи банд қилган фуқароларга 2020 йил июль ойидан бошлаб кўплаб имкониятлар яратилди. Жумладан, бундай шахслар шуғулланиши мумкин бўлган фаолият турлари рўйхати кенгайтирилиб, 67 тага етказилди (аввалги тартиб бўйича ўзини ўзи банд қилган фуқароларга рухсат этилган фаолият турлари сони 24 тани ташкил этган).1 июлдан бошлаб:
- вақтинчалик меҳнат гувоҳномалари бекор қилиниб, ўзини ўзи банд қилганларга махсус мобил илова ёхуд солиқ тўловчининг шахсий кабинети орқали рўйхатдан ўтиш имконияти яратилади (рўйхатга олиш далили матрицали штрих код — QR-код билан тасдиқланади);
- ўзини ўзи банд қилганлар ижтимоий солиқни 2020 йил учун базавий ҳисоблаш миқдорининг камида 50 фоизи, яъни 111 минг 500 сўм миқдорида маблағ тўлаш эвазига йил давомида расмий равишда фаолият юритиши мумкин.
Изоҳ (0)