Ўзбекистон Президентининг қарори билан Рустам Каримжонов Халқ таълими вазирининг ўринбосари этиб тайинланди. Бу ҳақда вазирлик матбуот хизмати хабар берди.
Таъкидланишича, Рустам Каримжонов 2019 йил сентябрь ойида Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори лавозимига тайинланган Сарвар Бобохўжаев ўрнига келган.
Тайинловга қадар Рустам Каримжонов Халқ таълими вазирлиги «Инновация, технология ва стратегия» маркази давлат унитар корхонаси директори лавозимида ишлаб келаётган эди.
Маълумот учун, Рустам Каримжонов 2009 йилда Тошкент автомобиль йўллари институтини (бакалавр) ва 2011 йилда Жанубий Кореядаги Солбриж халқаро бизнес мактаби (магистратура)ни тамомлаган.
Эслатиб ўтамиз, Ўзбекистон Президентининг 2018 йил ноябрдаги қарорига кўра, халқ таълими вазири ўринбосари вазифасини бажариб келган Алишер Умаров халқ таълими вазирининг биринчи ўринбосари, вазир ўринбосари вазифасини бажариб келган Отабек Назиров ва Сарвар Бобохўжаев вазир ўринбосари лавозимларига тайинланганди.
Изоҳ (0)