АҚШ давлат котиби Майкл Помпео дунёда диний эркинлик бўйича йиллик ҳисоботни тақдим этиш муносабати билан 10 июнь куни ўтказилган брифингда Ўзбекистон ҳукуматини мамлакатда диний эркинлик билан боғлиқ вазият яхшилангани учун мақтаб ўтди.
«Ўзбекистонда диний эркинлик билан боғлиқ вазиятни яхшилаш бўйича бир қатор қадамлар қўйилди ва бу давом этмоқда. Йил бошида мен ушбу мамлакатда бўлганимда, диний арбоблар билан ажойиб музокаралар ўтказдим», — дейди Помпео.
Унинг сўзларига кўра, 2019 йилда АҚШ ҳукумати мамлакатда диний гуруҳларга қарши қаратилган бирорта ҳам операция ўтказилмаганини қайд этган. 2018 йилда бу рақам 114 та, 2017 йилда эса 240 тани ташкил этгани таъкидланган.
«Бу катта ютуқ, ҳақиқий прогресс. Давлат департаментининг саъй-ҳаракатлари ўз самарасини бермоқда», — дея қайд этади АҚШ давлат котиби.
Мавзуга доир:
Изоҳ (0)