«Кўйлаги Disney маликасиникидек, макияжи эса Ким Кардашьянникига ўхшайди». Американинг Vogue журналида ўзбек тўйлари ҳақида мақола эълон қилинди

Россиялик сураткаш бир қанча муддат Ўзбекистонда — Фориш қишлоғида бўлиб, ўзбек тўйларидан бирининг меҳмонига айланган. Шундан сўнг сураткаш Ўзбекистондаги тўй жараёнлари ҳақида Американинг Vogue журналига сўзлаб берди.

Оля Шуригинанинг аждодлари ўзбекларга келиб тақалади — унинг бувиси Марғилон шаҳрида туғилган ва шу ерда моделер бўлиб ишлаган.

Шуригина Ўзбекистон бўйлаб саёҳати давомида асрлар ва ғарб анъаналари ўртасидаги фарқни пайқади.

«Баъзида кўчалар бўйлаб кетаётиб эркаклар бир хил ва камтар, аёллар эса доимо ёрқин кийинганини кўрардим», — дея сураткаш сўзларини келтиради Vogue.

Оля иштирок этган тўй икки кун давом этган ва барча анъаналарга риоя қилинган ҳолда ўтказилган. Оля ўз материалида тўй жараёнлари ҳақида сўзлаб берган: келинга кўйлак олишдан бошлаб, тўйнинг ўзига қадар.

«У жуда оппоқ эди ва Disney маликаларининг кўйлагини ёдга соларди. Макияжи эса худди Ким Кардашьянники каби, киприклари ҳам», — дейди Шуригина келин ҳақида.

Материалнинг тўлиқ вариант билан қуйидаги ҳавола орқали танишиш мумкин.