Франциянинг Ницце шаҳрида аввал Жеймс Бонд ҳақидаги фильмларда «агент 007» ролини ижро этган актёр Шон Коннери яшаган ҳашаматли вилла сотувга қўйилди. Денгиз бўйидаги кўчмас мулк 30 миллион еврога баҳоланган, деб ёзади «Korrespondent.net».
Олти қаватли Le Roc Fleuri вилласининг умумий майдони бир неча минг квадрат метрга тенг бўлиб, у Ўрта Ер денгизи кўриниб турадиган тепаликда жойлашган.
Қоянинг чуқур жойида қурилган бассейнли ҳудуднинг ўзи беш минг квадрат метр майдонни эгаллайди.
Лифти бўлган виллада саккизта ётоқхона, спа, тренажёр зали мавжуд. Вилла интерьери ар-деко услубида безатилган.
Уй Монако ва Канндан 30 дақиқа пиёда юриш масофасида жойлашган.
Ҳозир Шон Коннери ўз рафиқаси билан Багама оролларида яшайди. Маҳаллий аҳоли ҳозиргача ушбу виллани «Коннерининг уйи» деб атайди.
Изоҳ (0)