Канн кинофестивалининг саралаш қўмитаси 56 фильмни ўз ичига олган 2020 йил учун расмий дастурини эълон қилди, деб хабар бермоқда Meduza.
Дастурда Уэс Андерсоннинг «Франциялик диспетчер», Француа Озоннинг «85 йилнинг ёзи», Тонас Винтербергнинг «Яна биттадан», Френсис Лининг «Аммонит», Стив Маккуиннинг «Болтача» мини-сериали, Пит Докернинг «Қалб» мультфильми ўрин олган. Тўлиқ рўйхат кинофорум сайтида эълон қилинган.
Коронавирус пандемияси туфайли Канн кинофестивали 2020 йилда ўтказилмайди, бироқ дастурдан ўрин олган фильмлар кузда бошқа фестивалларда намойиш этилади. The Film Stage’нинг қайд этишича, ушбу фильмлар аввал реажалаштирилганидек Венеция кинофестивалида кўрсатилмайди.
Эслатиб ўтамиз, Канн кинофестивали 12-23 май кунлари бўлиб ўтиши керак эди, аммо карантин сабаб вақтинчалик қолдирилди. Ташкилотчилар фестивални июнь охирида бошланиб, июль ойининг ўрталарига қадар давом этишини тахмин қилганди. Бироқ Францияда жорий этилган фавқулодда ҳолат режими энг камида 10 июлгача узайтирилди. Шунинг учун кинофестивални кузда ўтказишнинг ҳам имкони бўлмайди. Ташкилотчилар Канн кинофестивалини виртуал тарзда ўтказиш ғоясини қўллаб-қувватламаган.
Изоҳ (0)