9 июнь, сешанба куни дунёнинг турли бурчакларидан олинган энг қизиқарли суратлар жамланмасини тақдим этамиз.
Хитойнинг Цзинань шаҳрида 100 йиллик бинони шаҳарга кўчириш ишлари олиб борилмоқда. Фото: Shutterstock
Испаниянинг Малага шаҳридаги Баньос дель Кармен пляжида юрган одамлар. Фото: Reuters
Ўзбекистон Президенти Шавкат Мирзиёев иқтисодиёт барқарорлигини таъминлаш масалалари бўйича йиғилиш ўтказди. Шу борадаги 8 та асосий йўналиш кўрсатиб ўтилди. Фото: Президент матбуот хизмати
Босния ва Герцеговинанинг Градишка шаҳрида марҳум баскетболчи Коби Брайант хотирасига чизилган фрескага сўнгги бўёқ бериш ишлари. Фото: Reuters
Лондонда ёзувчи ва ижтимоий танқидчи Чарльз Диккенснинг сурати унинг ўлимига 150 йил тўлиши муносабати билан Вестминстер биносига чизилмоқда. Фото: PA
Непалнинг Катманду шаҳрида бош вазирнинг расмий қароргоҳи олдидаги намойишларда сувотар техника зарбаларини қабул қилаётган одамлар. Омма ҳукуматни коронавирусга жиддий қарашга чорламоқда. Фото: Reuters
Мексиканинг Мехико шаҳрида полициянинг шафқатсизлигига қарши намойишда кузатув камераларини бўяб қўяётган эркак. Фото: Anadolu
Германиянинг Гамбург шаҳридаги Ҳагенбек ҳайвонот боғида Суматра орангутани янги туғилган чақалоғини ушлаб турибди. Фото: Shutterstock
Индонезиянинг Жакарта шаҳрида савдо марказига кириш олдидан дезинфекциядан ўтаётган аёл. Фото: AP Photo
Испаниянинг Луго шаҳрида завод олдида 534 нафар ишчининг бўшатилишига қарши йиғилаётган намойишчилар. Фото: Getty Images
Ҳиндистоннинг Тинсукия туманида полиция вакиллари давлат нефть компанияси томонидан ўзлаштирилган нефть қудуғида юз берган портлашдан сўнг одамларни хавфсиз ҳудудга ўтишга чорламоқда. Фото: AFP
Москвада 9 июндан бошлаб ўзини яккалаш тартиби ва рухсатнома тизими бекор қилинди. Жамоат транспорти ҳам ҳаракатланмоқда. Фото: «ТАСС»
Москвада 9 июндан бошлаб ўзини яккалаш тартиби ва рухсатнома тизими бекор қилинди. Энди шаҳарнинг 65 ёшдан ошган ёки сурункали касалликлари бор аҳолиси ҳам кўчага чиқиши мумкин. Фото: «ТАСС»
Франциянинг Нант шаҳрида АҚШда қора танли Жорж Флойднинг ўлдирилиши ортидан келиб чиққан намойишлардан бири бўлмоқда. Фото: Reuters
Нью-Йорк губернатори Эндрю Куомо Марказий вокзалдаги Гранд марказидаги ўйинчоқлар дўконида тозалаш ишларини олиб бораётган ходимларни олқишламоқда. Фото: Reuters
Бразилияда коронавирус туфайли вафот этган инсонларни хотирлаб чиқаётган артистларнинг қўлида қизил шарларни кўриш мумкин. Фото: Reuters
Ҳиндистоннинг Нью-Деҳли шаҳрида вафот этган отасининг танасига қараб турган эркакни юпантираётган қариндошлар. Фото: Reuters
Аргентиналик байдаркачи Себастьян Росси уйидаги бассейнда машғулот олиб бормоқда. У ортга сурилган Олимпиадага ҳозирланмоқда. Фото: Reuters
Даниянинг Лолланн оролчасидаги ўсимликлар даласида суратга тушаётган аёл. Фото: Reuters
Аввалги кунларнинг фотогалереялари:
Изоҳ (0)