Украина президенти Владимир Зеленский коронавирусдан қўрқмаслиги ва украиналиклар COVID-19’дан қўрқмаслиги учун ҳатто ўз мисолида касалликни енгиб, намуна бўлишга ҳам тайёрлигини қайд этди, деб ёзмоқда «Интерфакс».
«Ушбу синовни бошимдан ўтказишни истайман. Бу орқали одамларнинг оғирини енгил қилган бўлардим. Тушкунлик даврида ўзимизга кела олганмиз. Халқимга: ‘Келинг, мен касал бўламан ва Банковойга карантинга жойлаштирасиз. У ерда яшайвераман, ахир шароит яхши-ку’, деб айтдим», — деган Зеленский Хмельницк вилоятига қилган ташрифи чоғида «Украинская правда» нашрига берган интервьюсида.
Мавзуга доир:
Зеленский ушбу ғоядан воз кечгани ва бу бир оз ошириб юбориш бўлишини таъкидлаган.
«Бундай қилиш қийин эмасди, аммо оилам ушбу иш учун мени кечирмаслиги мумкин эди. Жиннига ҳам чиқаришарди. Умуман олганда, шунга яқин ҳолат юзага келарди», — дея қўшимча қилган у.
Украинада 9 июнь ҳолатига кўра, 27 856 нафар киши COVID-19 коронавирус инфекциясига чалинган. 12 412 киши касалликдан тузалган, 810 нафар бемор вафот этган.
Изоҳ (0)