Қозоғистонда коронавирус билан касалланганлар сони 13 319 кишига, Қирғизистонда эса 2093 кишига етди

Қозоғистонда ўтган бир сутка ичида яна 245 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 1,9 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Қарағанда вилояти — 50 (4,2 фоиз);
• Олмаота шаҳри — 35 (1,2 фоиз);
• Ақтўбе вилояти — 26 (6,5 фоиз);
• Нур-Султон шаҳри — 23 (0,9 фоиз);
• Ғарбий Қозоғистон вилояти — 18 (2,1 фоиз);
• Жамбил вилояти — 16 (3,6 фоиз);
• Чимкент шаҳри — 14 (1,4 фоиз);
• Манғистов вилояти — 12 (3,6 фоиз);
• Олмаота вилояти — 11 (2,5 фоиз);
• Ғарбий Қозоғистон вилояти — 7 (10,8 фоиз);
• Ақмўла вилояти — 5 (2,8 фоиз);
• Шарқий Қозоғистон вилояти — 5 (2,5 фоиз);
• Қизилўрда вилояти — 5 (1,1 фоиз);
• Атирау вилояти — 5 (0,4 фоиз);
• Костанай вилояти — 3 (1,5 фоиз);
• Павлодар вилояти — 2 (0,7 фоиз).

Бутун мамлакат бўйлаб коронавирусга чалинганлар сони 13 319 кишига етган. Ҳозирга қадар 8015 киши соғайган, 61 киши вирус қурбонига айланган. Шунингдек, 1696 киши коронавирусни белгисиз ташувчи сифатида қайд этилган.Қирғизистонда 9 июнь ҳолатига кўра, яна 38 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Коронавирусга чалинган янги касалларнинг 19 нафари Бишкек шаҳрида ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 6;
• Норин вилояти — 1;
• Ўш шаҳри — 6;
• Ўш вилояти — 3;
• Жалолобод вилояти — 2;
• Талас вилояти — 1.

Бутун мамлакат бўйлаб COVID-19 билан касалланганлар сони 2093 кишига етди, уларнинг 26 нафари вирус қурбонига айланган. Ҳозирга қадар 1572 нафар бемор даволанишга муваффақ бўлган.

Афғонистонда 10 июнь ҳолатига кўра, яна 542 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 21 459 кишини ташкил этмоқда.

Бутун мамлакат бўйлаб коронавирус оқибатида вафот этганларнинг жами сони 384 кишига етди, ҳозирга қадар 2651 бемор даволанишга муваффақ бўлди. Таъкидланишича, бугунги кунгача коронавирусга 49,5 мингдан ортиқ тест ўтказилган.

Мамлакатда ҳозирга қадар 48 киши COVID-19 қурбонига айланган, 2815 бемор даволанишга муваффақ бўлган.

Тожикистонда коронавирус билан касалланганлар сони 4690 кишига етди, деб хабар беради «РИА Новости». Ўтган бир сутка давомида яна 81 кишида коронавирус аниқланган.

Мамлакатда ҳозирга қадар 48 киши COVID-19 қурбонига айланган, 2815 бемор даволанишга муваффақ бўлган.

10 июнь соат 10:00 ҳолатига кўра, Ўзбекистонда коронавирус инфекцияси қайд этилганлар сони 4547 нафарни ташкил этмоқда. Ҳозирга қадар мамлакатда 3459 нафар бемор соғайиб, даволаниш кўрсаткичи 76 фоизни ташкил этмоқда.