Анхель ди Мария — 14 та голли узатма
ПСЖ вингери жорий мавсум жуда яхши ва самарали меҳнат қилди. Ди Мария пандемия сабаб муддатидан аввал якунига етган Лига 1 жорий мавсумида 26 та ўйинда қатнашиб, 14 та голли узатмани амалга оширишнинг уддасидан чиқди. Шунингдек, ўз ҳисобига еттита гол ҳам ёздириб қўя олди. Агар мавсум охиригача давом эттирилганида, Анхель яна камида 5-6 та голли узатма бериши мумкин эди. «Фаришта» ҳақиқатан ҳам ажойиб мавсумни ўтказди. У ПСЖ сафида ички биринчилик доирасида фақат битта ўйинни ўтказиб юборди. Аргентиналик жамоасининг ғалабасига катта ҳисса қўшди.
Футболчи Лига 1 да мавсум якунларига кўра L’Equipe томонидан тузилган рамзий терма жамоадан ҳам ўрин олди.
Анхель Чемпионлар Лигасида ҳам ўзини кўрсата олмоқда. У амалдаги мавсум Европанинг энг нуфузли мусобақасида иккита гол уриб, бешта голли узатма берди. Сўнгги гап-сўзларга қараганда ди Марияга ватани — Аргентинага қайтиш таклифи билдирилган. 32 ёшли юлдуз билан ўзининг қадрдон клуби «Росарио Cентраль» шартнома имзолашни хоҳламоқда. Бироқ футболчининг ўзи ҳозирча Европадаги фаолиятига якун ясашга шошилаётгани йўқ.
Унинг ПСЖ билан яна бир йиллик келишуви бор. Катта эҳтимол билан томонлар уни яна узайтиради.Кристофер Нкунку — 15 та голли узатма
«Лейпциг» муваффақиятга эришиш йўлида давом этмоқда. Клуб билан бирга жамоа футболчилари ҳам ривожланишдан тўхтагани йўқ. Шулардан бири — Нкунку. Кристофер жорий мавсум Бундеслига доирасида 26 та ўйинда майдонга тушиб, 15 та голли узатма беришга улгурди. Бундан ташқари франциялик футболчи тўртта гол ҳам урган. Унинг энг яхши ўйини эса февраль ойида «Шальке-04»га қарши бўлди. Нкунку деярли ярим соат ичида тўртта голли узатмани амалга оширганди.
Нкунку секин-асталик билан барча жиҳатдан ўсиб бормоқда. У айни дамда нафақат жамоасида, балки Бундеслигадаги энг кўп вазият яратувчи футболчилардан бири ҳисобланади. Французнинг майдонда бўлиши «буқалар»нинг бошқа ҳужумчиларига (масалан, Тимо Вернерга) катта бўш ҳудудни тақдим этмоқда. У эндигина 22 ёшда. Кристофернинг «Лейпциг» билан узоқ муддатли шартномаси мавжуд. Унда топ-плеймейкер бўлиш учун ҳамма нарса бор.Кевин де Брюйне — 16 та голли узатма
Бельгиялик футболчи жорий йил фаолиятидаги энг яхши мавсумларидан бирини ўтказмоқда. Кевин Премьер Лиганинг 26 та ўйинида ўз ҳисобига 16 та голли узатма ёздириб қўѣишга эришди. Гол+пас тизимида эса унда 24 очко мавжуд. У АПЛнинг 2017/18 йилги мавсумида бу борада 25 балл тўплаган эди. Ҳозир эса бу натижани янгилаш ва рекорд ўрнатиш учун етарлича ўйин бор. КДБнинг шахсий рекорди 2014/15 йилги мавсумда «Волсфбург»да эканлигида қайд этилган. Ўшанда у 20 та голли узатмани амалга оширганди. Катта эҳтимол билан де Брюйне ушбу натижасини мавсум сўнгига қадар янгилайди.
Кўплаб мутахассислар Кевинга мукаммал футболчи сифатида таъриф беради. У ўзи ҳам гол уради, жамоадошларининг гол уриши учун ҳам кўплаб имкониятлар ярата олади. Замонавий «Манчестер Сити»ни эса Кевинсиз тасаввур қилиш мушкул. Аммо «Сити»ни келажакда муаммолар кутиб тургани ҳам бор гап. Молиявий фейр-плей қоидалари бузилиши ортидан «шаҳарликлар» Чемпионлар Лигасидан икки йилга четлатилган. Агар бу қарор ўзгартирилмаса, Кевин клубни тарк этиши мумкин. Унинг ўзи ҳам бу борада фикр билдириб ўтган. Де Брюйненинг «Сити» билан шартномаси 2023 йил ёзида якунига етади. Уни жамоада олиб қолиш эса Манчестер клубининг УЕФА «запрет»ини олиб ташлаш ёки унинг аксига боғлиб бўлиб турибди.
Томас Мюллер Бундеслигада Кевин де Брюйненинг рекордини такрорладиЖейдон Санчо — 16 та голли узатма
«Боруссия» вингери жорий мавсум Бундеслига доирасидаги ўйинларда шунчаки «учмоқда». 20 ёшли Санчо 17 та гол уриб, 16 та голли узатмани амалга оширди. Буларнинг барчаси учун унга 28 та ўйин керак бўлди. Англиялик футболчи ўтган мавсумдаги натижасидан кўра кўпроқ гол уриб натижасини янгилаб бўлди. Жейдон, шубҳасиз, Бундеслиганинг энг яхши футболчиларидан бири.
«Боруссия Д» — барча совринларга даъвогарлик қиладиган, бироқ жуда ҳам кам соврин ютадиган клуб. Дортмундликлар деярли ҳар мавсум «Бавария»ни тахтдан ағдаришга яқин келади, бироқ охирда устунликни Мюнхен клубига бериб қўяди. Бундай ҳолат эса улкан режаларга бой йигитни хурсанд қилмаслиги аниқ. Жейдон барибир ҳам «Боруссия»ни тарк этади. Аммо савол: қачон? Айнан шу савол ҳозирда долзарб бўлиб турибди. Футболчига эса ўзи қайтишни истаётган ватани — Англиядан «совчилар» бор.
Жейдон Санчо Бундеслига рекордини янгиладиТомас Мюллер — 20 та голли узатма
«Бавария» вакили жорий мавсум кучли бешлик лигалари доирасида энг кўп голли узатма берган футболчи бўлиб турибди. Томас Бундеслига доирасидаги 30 та ўйинда 20 та голли узатма берди. Еттита гол урганини ҳам қўшсак, Мюллернинг қандай мавсумни ўтказаётгани янада ойдинлашади. Ўзи ҳам гол урмоқда, бироқ жамоадошларининг кўпроқ (айниқса, Левандовскининг) гол уришини ҳаммасидан ҳам кўпроқ хоҳламоқда. Футболчи бу ўйинлари сабаб «Бавария» билан янги шартнома ҳам имзолашга муваффақ бўлди. Энди у клубда 2023 йил ёзига қадар тўп тепади.
Мюллер ҳатто мавсум аввалида, Нико Ковач бош мураббий бўлган вақтларда ҳам ёмон ўйин кўрсатмаётганди. Майдонда камроқ кўриниш берган бўлса-да, ҳар ҳолда жамоадаги энг яхшиларидан эди. Хабарларга кўра, шу ҳолат узоқ давом этганда Томас клубдан кетиши ҳам мумкин эди. Бироқ Ковачнинг ўзи Мюллердан олдин кетишга мажбур бўлди. Ҳозир эса янги мураббий — Флик билан ишлари шунчаки аъло даражада.
Бошқа мақолалар:
Изоҳ (0)