Флойд Мейвезер тарихдаги энг яхши боксчилар бешлигини тузиб, 1-ўринга ўзини қўйди

Америкалик боксчи Флойд Мейвезер барча даврларнинг энг яхши жангчилари рўйхатини тузди.

«У (Мейвезер ўзи ҳақида учинчи шахсда гапирмоқда — таҳр.) кам жанг ўтказишига қарамай, бошқа боксчиларга қараганда, кўпроқ Жаҳон чемпионларини мағлубиятга учратган.

У зарбалар бўйича энг яхши кўрсаткичга эга ва шу билан бирга ҳимояда ҳам энг кам талафот кўрган боксчи ҳисобланади. У беш вазн тоифасида 18 йил давомида Жаҳон чемпиони бўлган.

Али (Муҳаммад Али) афроамерикаликлар ҳали бир-бирларини ҳимоя қилмаётган даврда бу чизиқни кесиб ўтган.

Аммо агар ким камроқ талафот кўргани ва кўпроқ рекорд ўрнатгани ҳақида гапирадиган бўлсак, шубҳасиз, бу Флойд Мейвезер», — дейди Мейвезер ўзи ҳақида.

Мейвезернинг топ-5 лиги қуйидагича:

— Флойд Мейвезер;

— Роберто Дюран;

— Пернелл Уитакер;

— Хулио Цезарь Чавес;

— Муҳаммад Али.

Маълумот ўрнида, Флойд Мейвезер профессионал фаолияти давомида 50 та жанг ўтказган ва уларнинг барчасида ғалаба (27 нокаут) қозонган.