Россияда сўнгги суткада коронавирусга чалиниш бўйича 8 595 та ҳолат қайд этилди, деб хабар бермоқда Meduza коронавирусга қарши кураш бўйича тезкор штабнинг 9 июнь куни берган маълумотларига таяниб.
Бу бир кун аввалги кўрсаткичдан 390 кишига камдир. Мамлакатда эпидемия бошланганидан буён 485 253 киши коронавирусга чалинган.
Сўнгги суткада беморларнинг 171 нафари вафот этган, бу бир кун аввалги кўрсаткичдан 59 кишига кўпдир. Мамлакатда эпидемия бошланганидан буён COVID-19 қурбонларининг жами сони 6 142 кишига етди.
Шунингдек, сутка давомида беморларнинг 11 709 нафари тузалган бўлиб, соғайганларнинг умумий сони 242 397 кишини ташкил этмоқда.
Мамлакатда коронавирусни аниқлаш бўйича сўнгги суткада 236,6 мингта, эпидемия бошланганидан буён эса 13,2 миллионта тест ўтказилган.
Аввалроқ Россияда йогурт ёки бурунга томизиладиган томчилар шаклидаги вакциналар пайдо бўлиши маълум қилинган, россиялик шифокор коронавирус кеч куз ва эрта баҳорда пайдо бўладиган мавсумий касалликка айланиши мумкинлигини айтганди.
Изоҳ (0)