Dunyoda koronavirus infeksiyasining tarqalishiga bilan bog‘liq vaziyat yomonlashmoqda. Bu haqda Jahon sog‘liqni saqlash tashkiloti rahbari Tedros Gebreyesusga tayanib, “TASS” xabar berdi.
“JSST salkam 7 million odam koronavirusga chalingani va qariyb 400 ming odam vafot etgani to‘g‘risida ma’lumot oldi”, — deydi Gebreyesus. Uning ta’kidlashicha, Yevropada vaziyat yaxshilanmoqda.
JSST rahbarining so‘zlariga ko‘ra, 7-iyun kuni butun dunyo bo‘ylab koronavirusga chalingan 136 ming odamning 75 foizi Amerika va Janubiy Osiyo hisobiga to‘g‘ri kelgan.
“Biz, shuningdek, COVID-19 bilan kasallanganlar soni Sharqiy Yevropa va Markaziy Osiyo hududlarida o‘sayotganini ko‘ryapmiz”, — deya aniqlik kiritadi Gebreyesus.
Avvalroq Jons Hopkins universiteti ma’lumotlariga ko‘ra, butun dunyo bo‘ylab koronavirus infeksiyasi bilan kasallanganlar soni 7 milliondan oshgani, AQShning o‘zida 1,9 milliondan ortiq bemor qayd etilgani haqida xabar berilgandi.
Mavzuga doir:
Izoh (0)