Мелания Трампнинг ташқи кўринишига қараб 50 ёшда эканига ишониш қийин. АҚШ биринчи хоними фаст-фуд истеъмол қилса ҳам қоматининг бузилмаслиги тўғри овқатланиш билан боғлиқ, деб ёзади Cosmopolitan.
Таъкидланишича, бургерлар, Нью-Йоркдаги Jean Georges ресторанининг қовурилган товуқлари ҳамда шакарсиз колани канда қилмаслигини айтмаганда, Мелания тўғри овқатланишни ҳаёт тарзига айлантирган ва бунга қатъий парҳез сифатида қарамайди.
«Мен соғлом маҳсулотларни, уларни истеъмол қилгандан кейин ўзимни энергияга тўла ва саломат ҳис қилганим учун ҳам яхши кўраман», — дейди у.
Трамп хоним нонуштага клечаткага бой сули ёрмаси ҳамда витамин ва антиоксидантлар манбайи бўлган смузи ейишни абзал билади, тонгда фойдали ва энергияга тўла нонушта қилгани учун ҳам кун бўйи очликни ҳис қилмайди.
Шунингдек, тушликка балиқ ва денгиз маҳсулотлари ҳамда сабзавотлар, кечки овқат учун эса клечатка миқдори юқори бўлган салатлар тановул қилади. Бундан ташқари Мелания моделлик карьерасининг бошида кунига уч литрга яқин сув ичган.
Унинг сўзларига қараганда, бир неча йилдан бери теннис, сузиш ва ёга билан шуғуллангани сабаб ҳам фарзанди Бэррон дунёга келганидан кейин қоматини тиклаш қийин бўлмаган. Метаболизмни яхшилайдиган — ялпиз, лимон, сув ва буғдойдан тайёрланган коктейл қоматини тонусда бўлишига ёрдам беради.
Рациони ҳамиша меваларга бой бўлган хоним ҳам бошқалар каби қора шоколад ва музқаймоқ еб туради. «Рационингиз асосини фойдали маҳсулотлар ташкил қилса, вақти-вақти билан ширинлик ва зарарли маҳсулотлар еб туришнинг ёмон тарафи йўқ», — дейди биринчи хоним.
Изоҳ (0)