Юз терисининг турли қисмларида ҳуснбузар пайдо бўлиши сабаблари
Ҳуснбузар ва турли тошмалар ўз-ўзидан пайдо бўлмайди ва бунинг ўзига яраша сабаблари бўлади. Юз терисининг турли қисмларида нима учун ҳуснбузар пайдо бўлишига тўхталамиз.
Пешона
Юзнинг пешона қисмида ҳуснбузар пайдо бўлиши рационда қизил гўштнинг кўплиги, тўйинган ёғ ва спиртли ичимликларнинг меъёрдан кўп истеъмол қилиниши билан боғлиқ. Пешонадаги ҳуснбузарлардан халос бўлишни истасангиз маълум муддат бундай маҳсулотларни таомномангиздан чиқариб, кўпроқ сабзавот ейишга, сув ва кўк чой ичишга ҳаракат қилинг.
Яноқлар
Юзнинг айнан ушбу қисмида ҳуснбузар тошиши кўплаб кузатилади. Бунга сиз фойдаланадиган косметик воситалар, уларнинг сифати яхши эмаслиги, терингизга тўғри келмагани сабаб бўлиши мумкин. Шунингдек, гўшт, шакар, сутли маҳсулотлар ҳам ҳуснбузарларни келтириб чиқаради.
Пастки жағ
Юз терисининг пастки жағ қисмига тошган ҳуснбузарлар ҳазм қилиш билан боғлиқ бўлади айниқса, фаст фуд ёки кремли ширинлик тановулидан кейин ҳуснбузарлар кўпайиши кўзга ташланади.
Ияк
Иякда пайдо бўладиган ҳуснбузарлар кўзга ташланмаслиги, уларга бефарқ бўлиш кераклигини билдирмайди. Айнан ушбу қисмдаги ҳуснбузарлар эндокрин тизими фаолиятидаги бузилишларга ишора қилади.
Гўзалликка ошнолар учун:
Мода ва трендларга қизиқувчилар учун:
Саломатликка бефарқ бўлмаганлар учун:
